رساله من ابو شهد

السلام عليكم ورحمة الله وبركاته
الأحبة فى الله ....معلش سامحونى هتكلم من غير ما انسق حروف أو أرتب كلام
أنا ببعت الهمسة دى لكل من سأل عنى أنا فين ...وشهد الكلمات فين من اللى بيحصل وبرضه ببعتها لهواة المزايدة على جرح غزة ....ايوة جرح غزة إحنا قاعدين فى المكيفات وبنتفرج على الفضائيات وكل واحد فينا المدام دلوقتى فى المطبخ بتجهزله كل ما لذ وطاب ...قاعدين كلنا بنمصمص شفايفنا ..اللى بيقول منك لله يا مصر واللى بيقول كله من الاردن ..السعودية السبب ...
الجرح جرح غزة ..هنروح شغلنا الصبح عادى وهننافق رئيسنا عادى ولما هنرجع بالليل هنفتح الجزيرة عشان نتابع إخواتنا وأهلنا وأحبابنا ونزاول مهمتنا فى مصمصة الشفايف ....
أنا شخصيا دخلت النهاردة بس مكتوب ومش ناوى أدخله اليومين اللى جايين
ماروحتش شغلى لا السبت ولا الأحد ولا الاتنين ومش عارف هروح إمتى .....
مش عارف أوصفلكم كم القرف اللى انا فيه عشان حاسس أنى مشلول ...عارفين إحساس اجتماع العميل والجبان ( أهو إحنا ) حكومات عميلة وشعوب جبانة ....
عارفين ايه نتيجة الكوكتيل ده ؟؟؟
إن كمان يومين كل الدول العربية بلا إستثناء هتحتفل بالكريسماس وعمرو دياب هيغنى عادى جدا والشباب والفتيات هيرقصوا حواليه وآخر الليل هياخد بقيت ال4 مليون جنيه اللى اتفق عليهم ....
بعد إحتفالات الكريسماس ولو سكتت إسرائيل هناخدلنا اسبوع كمان نندد ونشجب وندين وخلصت الشغلانة ...وتعود كل حاجة لما قبل الهجوم على غزة ويفضل الجرح فى غزة وأهل غزة وفى عين كل طفل إتفطم على دانة أربى جيه .....
حتى اللى وافقين النهاردة فى طابور المواساة والمصمصمة والشحتفة هتلاقيهم بعد كدة واقفين فى طابور العيش بيدورو على لقمة لعيالهم ...
طولت عليكم ؟؟؟ معلش القهرة اللى أنا فيها هتخلينى أنفجر أو أتهطل وكانم لازم حد يسمعنى ( معلش أعذرونى )
كمان اللى جننى إن الحلو اللى اسمه أبو مازن قال أنه هيلقن حماس درس لن ينسوه..... متخيلين كم المأساه ؟؟؟ والله أنا قريت الكلام ده وكنت هتجنن.....
لا وتعالو شوفو المصيبة دى اللى مصر حاطة نفسها فيها ( عنوان كبير فى الأخبار ودى للمايعرفش جريدة وطنية بتقول .....اسرائيل سمحت فتح 3 معابر فى رفح وكأن رفح دى مش فى مصر أو مصر مأجراها مفروش من إسرائيل ؟؟؟
بالذمة ليكم نفس تدخلم مكتوب ؟ تفتحم نت ؟ ولا صحيح هنعمل ايه غير كدة كل يوم نملى الصفحات أدعية وصور ونداءات ؟ ...أنتو بتنادوا على مين على العميل ولا على الجبان ؟..الأغرب من كدة أنى لما لفيت على كل المنتديات تقريبا لقيت كله نداءات ودعوات ومفيش واحد منزل كلمة بالأنجلش وكأننا بنادى على بعض
هو الطليانى ولا الفرنساوى ولا الألمانى ولا البعيد الأمريكانى هيدخل النت ويكتب غزة بالعربى عشان يتابع أخبارها ؟ لا هيكتبها بلغته هيلاقى الأعلام الصهيونى بيقوله إحنا فى حالة دفاع عن النفس وإن مدام ليفنى قبح الله وجهها جالها هاتف فى المنام قالها حماس وأهل غزة العزل هيشنو حرب ضروس على بئر سبع وإيلات قامت إستعاذت من حماس والعرب وقتلت فوق ال300 وأصابت فوق ال1000 نصهم بين الحيا والموت ...
تصدق صح !!!!!! طب هيعملوا ايه ده أقل واجب وطبعا هيقولوا إن الحكومات العربية لو شايفة إن حماس ولا غزة مظلومة مقهورة ما كانوش هيسكتو أكيد هيستدعم سفير هيقدموا إعتراض .....
والنتيجة إن الشعوب الغربية اللى هيا المفروض ورقة الضغط على حكوماتهم اتشحنت على العرب الأرهابيين .....
والشعوب العربية ( الجبان ) ..لسة بينادى من جوة البيت مش هاين عليه يفتح الشباك ....
أهو بصو خلاص أنا زهقت من الكلام ....
هجيبهالكم على بلاطة عشان ماتتعبوش نفسكوم بأسألة كتير ممكن ما تلاقولهاش إجابة ( وخدوها من العبد الفقير إلى الله أبوشهد ومن واقع خبرتى المتواضعة )
للإنتخابات الأسرائيلية فاتورة ...وللأنتخابات الفلسيطينية فاتورة ...ولصراع حماس وفتح على السلطة فاتورة ..ولمصالح الحكومات العربية فاتورة ...ولمصالح الشعوب العربية الجبانة فاتورة ....خمس فواتير ..للأسف الشعب الفلسطينى المحاصر هو المنوط به تسديد تلك الفواتير من رجاله وشيوخه وشبابه ونساؤه وأطفاله ...
معلش دوشتكم وطولت عليكم لكن حسيت براحة ...لالالالالا ...مش راحة ضمير طبعا ..واللى حاسس براحة ضميره منكم ( مش عارف أقوله ايه ) غير تخيل إن المجازر دى فى مصر ولا فى الاردن ولا فى السعودية ولا ال.....إحساسك ايه نحيتى ؟؟؟ فكر فيها شوية هتلاقى ان الموضوع بجد صعب إن حد يعيشه بخياله

أخيرا ...نفسى تلغوا اللغة العربية فى همساتكم وتعليقاتكم وموضوعاتكم ...اللى ينزل موضوع جديد يكتب فى العنوان غزة بالأنجلش ويترجم موضوعه بكل اللغات ومواقع الترجمة الفورية كتييييييييير على النت ....لما يدخل الأمريكى او الفرنساوى هيلاقى موضوعاتكم ويشوف الصور وكفاية أنه يحس بالمعاناة ويشوف الأشلاء المتناثرة والدماء اللى إمتزجت برمل معسكر حماس ......

[ندعوك للتسجيل في المنتدى أو التعريف بنفسك لمعاينة هذه الصورة]




جزاك الله خيرا

نفسى تلغوا اللغة العربية فى همساتكم وتعليقاتكم وموضوعاتكم ...اللى ينزل موضوع جديد يكتب فى العنوان غزة بالأنجلش ويترجم موضوعه بكل اللغات ومواقع الترجمة الفورية كتييييييييير على النت ....لما يدخل الأمريكى او الفرنساوى هيلاقى موضوعاتكم ويشوف الصور وكفاية أنه يحس بالمعاناة ويشوف الأشلاء المتناثرة والدماء اللى إمتزجت برمل معسكر حماس ......

يسلموا عماد وفكرة حلوة وياليت الكل ينفذها

يسلمووووووووو عماد يعطيك ألف عايفة يارب عن جد فكرة حلوة كتير ’’
طرح مميز وأكتر من روعة يسلمو يعطيك العافية عماد ,,
تقبل مروري ’’
ملاك الكون

مشكوووووووووووووووووووووووووووووووووووووووووووور با عماااااااااااد فكرتك وصلت

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط] @ JellyMuffin.com[ندعوك للتسجيل في المنتدى أو التعريف بنفسك لمعاينة هذا الرابط]

شكراا عماد على نقل رسالة ابو شهد ..............

انا ممكن اكون اكثر واحده ممكن تشوف الامور صح

ليه ؟؟؟

لاني عايسه وسط الصهاااينه وبنفس الوقت وسط الفلسطنيين

انا الى عاوزه اقولو ومحدش يزعل منى بس انا شايفه صح لاني عااايشاه

غزه او الفلسطنيين عمومااا الى بيحصلهم ده لانهم هم الى عاوزين ده

محدش يعرف نسبة الخون الموجوده في فلسطين قد ايه انا بس الى عارفااهم وبشفهم

وشايفه ازاي اسرائيل بتشتريهم بشوية فلوس وحتة بيت والمصيبه انو

بعد ماا تاخد منهم الى بدهاا اياه بترميهم مثل الكلاب انا اسفه عالتعبير

صدقوني يااا نااااااااس لو ما في خياانه في فلسطين كان فلسطين غييييير

هداا بالنسبه لفلسطين وما بدي احكى عن الحكومه الفلسطينيه وحماس وفتح

لانو هيه سبب البلااااااااااااااااااااااااااااااااااااااااااااااااااااااااااااااااااااااااااااااااااااا

واساس الفساد ..............................................لا تعليق عليهكم

اما بالنسبه للدول العربيه فلاا تعليق لي لاني عارفه انو القرار مش الهم

والشاطر يفهم ..................................................


ششششششكراا عماد عل الموضوع الراااائع بس بجد لا احد يزعل منى

الفكرة حلوه فعلا
وان شاء الله سيتم تنفيذها
شكرا عماد لطرح الموضوع

تسلموا جميعا لمروركم المتميز


[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]